जीवन को वचन नयू नियम ऐप का बारा मा दुई शब्द हम सबसे पैलि अपणा प्रभु यीशु मसीह का द्‍वारा पिता परमेस्वर को धन्यवाद देन्द्‍यां, जैन हम गढवळी लोगु तैं अपणी बोलि-भाषा मा शुभ समाचार को अनुवाद करण मा, अर वेतैं निकळि के लोगु तक पौछाण मा मदद कैरी। पिता परमेस्वर को शुभ समाचार धरमशास्‍त्र का दुई हिस्‍सों मा बंटयूं च। यीशु मसीह को ईं दुनियां मा आण से कई साल पैलि पिता परमेस्वर न अपणा रैबर्या मूसा का द्‍वारा अपणा लोगु का दगड़ा मा जु करार कैरी छा ऊं धरमशास्‍त्र को पैलु हिस्सा मा च अर वे हिस्‍सा खुणि पुरणु नियम-कानून बुलै जान्दु। अर यीशु मसीह का द्‍वारा पिता परमेस्वर न दुनियां का सब लोगु का दगड़ा मा एक नयूं करार कैरी। अर यू नयू करार आज हमरा पास अपणी गढवळी बोलि मा च। अर यू नयू करार ईं दुनियां का सब लोगु खुणि परमेस्वर का द्‍वारा एक सच्‍चा रैबार का रुप मा परगट किये गै। पिता परमेस्वर न अपणा चुण्यां लोगु का द्‍वारा यों दस्तावेजों तैं अपणी पवित्र आत्मा लिख्वे। अर जब पिता परमेस्वर न अपणा लोगु तैं पैला नियम-कानून दिनी, त ऊ इब्रानी भाषा मा लिखै गै छा। अर जब वेन करार कैरिके नयू कानून दिनी त ऊ ग्रीक भाषा मा लिखै गैनी। अर वेका बाद ही परमेस्वर का ये सच्‍चा रैबार तैं अलग-अलग लोगु न अलग-अलग जगा बटि अपणी-अपणी भाषा मा अनुवाद कैरी। ये ऐप मा खास बात या च कि हम मनखि जु कि पिता परमेस्वर की नजर मा पाप करण वळा छा जब हम वेसे अलग ह्‍वे गै छा, त ठिक बगत पर वेन हम मनखियों तैं पाप से बचौणु खुणि वेतैं खुजै जु कि मनखि का रुप मा हमरा बीच मा रै अर जैतैं मनखियों नि पछ्याणी सैकी अर वु यीशु मसीह छौ। जैन ईं दुनियां मा रै के कई लोगु तैं ऊंकी बिमारियों से आजाद करै, अर सढ़े तैंतिस साल तक ईं दुनियां मा रै। अर वेन हमरा पापों का खातिर खुद तैं दे दिनी, अर तिसरा दिन मुरदो मा बटि ज्यून्द ह्‍वे गै अर अभि भि ज्यून्द च। अगर कुई मनखि अपणा पापों खुणि मन से पस्ताप कैरिके इन स्वीकार करदु की यीशु वेका खातिर मरे गै, त पिता परमेस्वर वेतैं पापों से माफी देके स्वीकार करदु, अर अपणी औलाद होण को करार करदु अर मुफत मा सदनि को जीवन देण को करार कैरिके अपणु वारिस ठैरै देन्दु। अनुवाद को आधार यूनानी भाषा मा बटि लिये गै, अर वेका दगड़ा-दगड़ि अनुवाद करण मा भौत सा अनुवाद संकरणों को भि इस्तेमाल किये गै जौं मा अंग्रेजी अर हिन्दी दुई सामिल छिन। अनुवाद को को मकसद इन च कि पूरु धरमशास्‍त्र सरल, स्पष्ट अर स्वभाविक रुप मा अर अपणी बोलि-भाषा मा पढै के समझ मा ऐ सैको, इलै ये अनुवाद तैं लिखण का बगत मा यूनानी भाषा को अध्‍ययन, यूनानी भाषा का शब्दों को मतलब, अर व्याकरण को भि अधयन किये गै, अर वेका दगड़ा-दगड़ि अनुवाद को काम किये गै। अर ये अनुवाद तैं छुटा बच्‍चों, ज्वान लोगु, अर दान-स्यांणा लोगु तैं ध्यान मा रखी के किये गै, ताकि सब लोग ये अनुवाद तैं अच्‍छे से समझि सैका। हमरा पूरा गढवाळ मा भाषा मा भौत सि बोलि छिन, मगर यों बोलियों मा बटि सबसे सरल बोलि श्रीनगरिया च, जु पौड़ी, श्रीनगर अर वेका आस पास का इलाकों मा बुलै जान्दी, अर सब लोगु की समझ मा आसानी से ऐ जान्दी इलै ये अनुवाद मा श्रीनगरिया बोलि को इस्तेमाल किये गै। ये ऐप मा मान मानचित्र, खास शब्द की सूची अर कुछ फोटो दिये गैनी ताकि आसानी से समझ मा ऐ सैको, अर वेका दगड़ा-दगड़ि पूरि बाइबल को कुछ खास विषय लियां छिन जु की पद का दगड़ा मा लिख्यां छिन। जब प्रभु यीशु मसीह ईं दुनियां मा छौ त वेन परमेस्वर का राज का बारा मा बतै, अर वेन एक नया जीवन, नया समाज तैं बनौणु खुणि एक नयू बाटु तयार कैरी अर सभ्यों तैं पिता परमेस्वर का प्यार का बारा मा बतौणु च। अर भौत सा लोगु न वे द्‍वारा अपणा जीवन तैं बदलण की ताकत पै। परमेस्वर हम से हमरि बोलि-भाषा मा बात करदु, इलै अगर कुई ये ऐप मा लिखीं बातों पढदु त परमेस्वर वेसे बात करलु अर वेतैं सदनि का जीवन की तरफा लेके जालु। Features: ► Verse of the Day & Daily Reminder ► Verse on Image (Bible Verse Wallpaper Generator) ► Deep links in shared verses ► Additional Menu items ► Embedded Gospel Films (Gospel of John) ► Synchronized Audio Bible. Your phone will be able to read out the Garhwali Bible, verse-by-verse. Audio is embedded in the app and is available offline. ► New user interface with Navigation drawer menu. ► No additional font installation required. ► Adjustable font size and easy to use interface. ► Swipe functionality for chapter navigation. ► Share Bible verses using social media sites, E-mail, IM clients and SMS. Compatibility: The app should run well on devices with Android versions 4.1 and higher.